Texas-a intlansiak nghakhleltu Rossi

Pathianni zan dar 12:30-ah MotoGP Grand Prix of the Ameri­cas tlan a ni dawn a, Yamaha rider Valentino Rossi chuan Texas a intlansiak a chak tawh thu a sawi.

Tun season-ah intlansiak pahnih Qatar leh Argentina GP a awm tawh a, Yamaha bike khalhtu Maverick Vinales chu pakhatna a ni ve ve - a teammate Rossi hi podium-ah a lawn bawk.

Kum 38-a upa Rossi chuan, "Texas hi hmun nuam tak a ni tih ka hre tawh, kum dang zawng aiin kuminah hian beiseina kan nei sang - a chhan chu Qatar leh Argentina-ah team dang ten kan team min phak loh vang a ni," tiin a sawi.

Rossi chuan sawi chhunzawmin, "America hi Moto2 inelnaa pakhatna ka nihna hmasa ber a ni a, ka tan chuan hmun hlu bik a ni tawh sa. A tlankawngah hian chhuk leh chho lai a awm te hian min ti ngaina zual hle," tiin a sawi. Rossi hi tun hnai season hnuhnung pahnihah rider championship-ah pahnihna a ni.

Italian rider Rossi-a'n kumina intlansiak pahnih an neih tawhah point 36 hmuin rider championship-ah pahnihna a ni, pakhatna Vinales-a'n point 50 a hmu tawh thung.