Stuttgart Open khel tur Maria Sharapova a phur

Karleh aṭanga tennis tour­nament khel thei leh tawh tur Maria Sharapova chuan inkhelh a chak tawh thu a sawi a, amah sawiseltute chhanlet a tum loh thu a sawi bawk.

Grand Slam vawi nga cham­pion tawh Sharapova hi 2016 Australian Open-ah meldonium a hmang tih hmuh chhuah a ni a, International Tennis Federation (ITF)-in kum hnih inkhel thei lo turin a hrem - thla 15 atan tih tawi a ni leh ta zawk.

Russian star hi Stuttgart Open khelh turah wildcard pek a ni, WTA event zinga pakhat hi karleh Thawhṭan aṭangin khelh ṭan a ni dawn a, Sharpova hremna hi Nilainiah a tawp dawn chiah. Wildcard pek a nih avangin qualifying khelh a ngai dawn lo a, hremna a zawh rualin inelna a hmachhawn theih phah dawn tihna a ni.

Stuttgart Open bakah Madrid leh Rome lamin wirldcard an pek chu world number Angelique Kerber leh number 1 hlui Caroline Wozniacki te chuan an lo sawisel tawh.

Kum 30-a upa Sharapova chuan, "Ka chungchanga midang thusawi hi chhanlet a ngai ka ti lo. Hun rei tak ka inkhelh loh hnua tennis ka khel leh tur hian mi ti hlim takzet," tiin a sawi.