Mizoram junior team an chhhuak

Junior National Football Championship for BC Roy Trophy khel turin nimin khan Mizoram junior teamin inelna neihna hmun tur Chhattisgarh an pan.

Mizoram team hi Group B-ah Jharkhand, Uttarakhand leh Delhi te nen an awm ho a, April 26 khian an match hmasa berah Uttarakhand an hmachhawn ang.

Inelnaah hian team 16 chu group paliah ṭhendarh an ni a, group khat aṭangin pakhat chauhin semifinal an lut dawn. Mizoram awmna Group B leh Group D te Bhilai-ah an khel dawn a, group pahnih dang hi Bilaspur-ah an khel thung dawn a ni.

Mizoram coach C. Vanlal­hriatrenga chuan, "March 27 aṭangin kan camp ṭan a, inbuatsaihna pawh kan nei ṭha hle. Kan fitness a ṭha a, kan zir ang hi kan khelhchhuahpui theih chuan kan thlensanpui kan beisei khawp mai. Chutihrualin kan thlen chin erawh vanneih leh vanduaiah a innghat ang," tiin Vanglaini a hrilh.

Mizoram manager Hming­than­sanga chuan, "MFA-in min duat a, min thlawp ṭhat avangin training ṭha tak kan neih theih phah. Player hriselna leh fitness chungchangah Dr Lalzarmawia Khiangte-in (Mapuia) nasa takin min pui a, a chungah kan lawm hle. Mizoram tan theihtawp chhuahin kan khel dawn a, Mizo mipuite ṭawng­ṭaipuina kan ngen a ni," tiin a sawi.

Mizoram Junior Team
J. No. Name Kit Name Fathers Name Address
GOALKEEPER
20 Lalhruaizela Pachuau Hruaia Lalthangdula College Veng
1 R. Lalnunmawia Buanga R. Lalhmingthanga Field Veng, Vairengte
13 RS Lallawmzuala Rsa R. Lalrohlupuia Republic Veng
DEFENDER
12 Amos Lallawmawma Amos Lalhauva Venghlui
15 Hmingthanmawia Valpuia R. Laldinliana Ramhlun North
3 Lalbiakzuala B-Tea Lalrimawia Thingsulthliah
6 Laldinpuia Dinpuia Zohmangaiha Thingsul Tlangnuam
2 Lalmuanawma Muanawma Lalnunpuia Republic Veng
4 Lalruatpuia Ruatpuia Lalthantluanga N.Vanlaiphai
5 Samuel Laltharlawmawma Samuel-a Thansanga Ramhlun South
MIDFIELDER
16 Joseph Lalthafela Joseph John Zoramthanga Sihphir
18 K. Lalrinfela Mafela K. Lalhunmawia Khatla
10 Lalruatfela Fela Zochhuanawma Durtlang
14 R. Lalṭhapuia Ṭhapuia R. Lalruatkima Salem Veng
8 Zakaria Lalhriatpuia Zakaria Lalthantluanga Khawlian
FORWARD
17 Hmangaihsangzuala Mama Ramfangzauva Luangmual
11 Jimmy Lalmuankima Hmar MK-a Lalngaihawma College Veng
9 Lalremmawia Terema Lianhnuna Thingkah
19 PC Lalhruaitluanga Amama PC Vanlallawma Durtlang, Leitan
7 R. Lalthanmawia Amawia R. Lalthansanga Ramhlun South
COACHING STAFF
Manager : Hmingthansanga, Chhinga Veng
Coach : C. Vanlalhriatrenga, Zemabawk
Asst. Coach : Vanlalrova, Venghlui