Kum khat chhung tlawm lo Liverpool

January 3, 2019 hnua la tlawm leh lo Liverpool-in Ningani zan thleng khan league match 37 an khel a, point 101 an hlawh chhuak. 

Hetih hun chhunga Liverpool hnaih bertu Manchester City chuan Premier League-ah point 92 an nei a, heti chung hian Reds aiin match khatin an la khel tam zawk. Liverpool hian league-ah point an hlawh hnem viau chungin kum khat chhungin English football-ah nomawi chawi an nei miah lo a, an ropuina a famkim tawk lo. 

Kum khat chhunga English football-a Reds tlawmna awmchhun hi nikum January FA Cup-a Wolves an ngam lo leh naupang rualin Carabao Cup-a Aston Villa an ngam loh kha a ni. Season ṭanna Community Shield-ah khan Reds hi Manchester City nen 1-1 in an inhnehtawk a, mahse penalty-ah Pep Guardiola naute hian 5-4 in hnehna an chang. Champions League-ah vawi hnih an tlawm a, semifinal first leg-ah Barcelona an ngam lo a, kumina an group stage match-ah Napoli an ngam lo bawk.