Fulham-in Pereira an dawr

Premier League kai thar Fulham chuan Manchester United midfielder Andreas Pereira lakluh tumin Red Devils an dawr a, Brazilian midfielder manah hian pound maktaduai 8.6 sen an inhuam.

Kum 26 mi Pereira hi Manchester United academy chhuak a ni a, kum 2014 khan United tana a game hmasa ber khel mah se loan-in a chhuak nasa a, Red Devils tan inelna hrang hrangah match 75 khelin goal li a khung.

Brazil tana vawi khat inlan tawh midfielder hian Granada, Valencia, Lazio leh Flamengo-ah te loan-in hun a hmang a, Flamengo-ah hian season hnih chhung loan-in a khel.

Flamengo hian November, 2021 khan Copa Libertadores final an khel a, mahse, Palmeiras lakah an tlawm - a tihsual pakhat chu Palmeiras hian goal khung nan hmangin 2-1 in an chak.

Pereira hian Old Trafford-a cham turin kum 2023 thleng contract a nei a, a ṭul anga kum khat dang pawhsei theih dan a awm bawk - mahse, coach thar Erik ten Hag-a ruahmannaah a tel a rinawm lo a, Fulham dawrna hi United-in an pawm ngei a rinawm.