Kawr Sen hak ni ; Aizawl FC Vs Mohun Bagan

Kum 2003 khan Lammual khata entu Mizo mipuiin kawr sen hain National Under 16 nomawi leh khelmual ṭha zawk an au chhuak a, Mizoramin a rah duhawm tak a seng mek. Tunah hian Mizo club ban phakah India rama club football inelna sang ber I League nomawi a awm a, 'kawr sen' hak hun a thleng leh ta tihna a ni.

Vawin tlai dar 2:05 hian Aizawl FC leh Mohun Bagan ten I League match pawimawh bik an khel dawn a, hnehna chang zawkin nomawi an chawi theih ve ve avangin 'final' ang hiala chhal a ni. RG Stadium, Mualpuia inkhel en tur tan hma taka kal a finthlak ang a, ticket chang lo tan Ten 2 kaltlangin a en theih ang.

Ven tur bik awm lo!
Mohun Bagan-in player ṭha rual an kawl a, season liam taa Aizawl FC-in an hneh ṭum khan an player pawimawh Sony Norde leh Mizo chhuanvawr Jeje Lalpekhlua te an rawn zin lo. Tun ṭumah hian Haitian forward Norde hian hmun pawimawh a chang dawn a, coach Sanjoy Sen chuan Nilaini zana Maziya nen AFC Cup an khelh ṭum pawhin squad-ah a dah lo.

Amaherawhchu Norde hian tun season-ah goal thum chiah a la khung a, Jeje aiin goal hnihin a khung tlem a, goal sarih khung thei Darryl Duffy an la nei bawk. Bagan tlarhmaah Mizo tlangval elpui Balwant Singh (goal 4) dah hniam theih a ni lo a, captain Katsumi Yusa-a'n goal thum a khung tawh. a tawi zawngin Mizo club tan ven tur bik an awm lo.

Zotea leh tlarhnung
Aizawl FC tan Brandon VL Remdika (3 goals) leh R. Laldanmawia (3) bakah Bayi Kamo Stephane (7) te goal khung kawngah an thawh hlawk a, midfielder Mahmoud Al Amna-a'n ball sem a thiam avangin a langsar a, Jayesh Rane leh Alfred Kemah Jaryan ten lawm an hlawh bawk.

Mizo club player zinga an phu tawk anga fakna dawng lo chu tlarhnung player-te an ni. Vawiin hian Ramhlun South tlangval Zohmingliana Ralte, Armed Veng tlangval Lalramchullova, Hmunhmelṭha tlangval Lalruatthara bakah Nigerian defender Eze Kingsley, Mumbaikardefender Ashutosh Mehta leh Goan keeper Albino Gomes te an pawimawh leh ang.

Aizawl FC hian RG Stadium-a match riat an khelh tawhah vawi nga clean sheet an nei a, goal thum chiah an la chhuah.

Pressure an ngah zawk - Sanjoy
Mohun Bagan-in an khingpui tur ang thoin an khelmuala match riat an khelh aṭangin point 22 an hlawh chhuak a, khualmualah erawh match riat aṭangin point 11 chiah an hmu thei a, season liam taa an chak lohna hmun RG Stadium-a chak tur hian rinkai an ni bik lo.

Mariners coach Sanjoy Sen chuan, "Tu nge pressure ngah zawk kan tih chuan Aizawl FC hi an ni. Kan tan chuan draw a tawk," tiin an awmna hmun a hrechiang. Khalid erawhin Bengali coach thusawi hi a ṭawmpui lo a, pressure ngah zawk an awm loh thu a sawi ve bawk.

100% ka beisei - Khalid
Aizawl FC coach Khalid Jamil chuan, "Kan mual hi chu kan tan a danglam a, Mizo mipui hi kan team tan an hlu a ni. Mohun Bagan nen kan inkhelh hunah hian min ṭantute aṭangin 95% ka duh lo a, 100% ka duh," tiin ṭum dang zawng aia nasa a ṭan turin a sawm.

Mizo club hian RG Stadium-ah record an nei ṭha a, match riat an khelh tawh aṭangin vawi sarih an chak. Point thum an hlohchhuah loh ṭum hian champion lai Bengaluru FC nen an inhnehtawk a, tun season-ah vawi khatmah an la tlawm lo.

Champion theih dan
Mohun Bagan
* Aizawl FC hneh hrim hrim.
* Aizawl FC nen inhnehtawk a, April 30-a Chennai City hneh.
* Aizawl FC an hneh lo (goal khat chin) a nih chuan Kolkata club tan champion tur chuan an match hnuhnung bera Chennai City hneh bakah Mizo club-in Shillong Lajong an hneh loh a ṭul dawn a ni.
Aizawl FC
* Mohun Bagan goal hnih china hnehin.
* Mohun Bagan hi goal khat china an hneh theih chuan match hnuhnung bera Shillong Lajong laka point sual chhuah a tawk ang.
* Mohun Bagan nena an inhnehtawk chuan Kolkata club hian an match hnuhnung berah Chennai City lakah point an hloh a ṭul bakah Mizo club hian Shillong Lajong an hneh a ṭul bawk.

Dar 1:00 -ah Ṭhut tawh tur
I League inkhel entu an tam dawn a, traffic a jam nasadawn. A hun taka mipui zawng zawngin Aizawl FC leh Mohun Bagan inkhel an en vek theih nan dar 1:00-ah chuan RG Stadium-ah ṭhut ṭhap tawh tur a ni.

AFC leh Bagan Inum chhoh dan
I League match hnih khelh tur la awmah Mohun Bagan leh Aizawl FC ten point 33 ve ve an hmu tawh a, club pahnih hi season ṭantirh aṭangin an inhlat ngai meuh lo. Club pahnih hi an inthlauh lai berin Ai­zawl FC hi point sarihin Kol­kata club aiin an sang fal a, amah­erawhchu Mizo club hi inchhuang thei an ni lo - Ma­riners hian AFC Cup an khelh avangin match hnihin an khel tlem.

ROUND 1
Bagan - 3 Pts; AFC - 1 Pt
January 7, 2017
East Bengal 1 - 1 Aizawl FC
KEB : Ivan Bukenya 89'
AFC : Bayi Kamo Stephane 45+1'
January 8, 2017
Mohun Bagan 1 - 0 Churchill Brothers
MB : Balwant Singh 28'
ROUND 2
Bagan - 6 Pts; AFC - 4 Pts
January 13, 2017
Aizawl FC 1 - 0 Minerva Punjab
AFC : Loveday Okechukwu 90+4' (OG)
Mohun Bagan 2 - 0 Shillong Lajong
MB : Darryl Duffy 21', 77'
ROUND 3
Bagan - 9 Pts; AFC - 7 Pts
January 17, 2017
Aizawl FC 2 - 1 Shillong Lajong
AFC : Jayesh Rane 64'; Lalruatthara 32'
SLFC : Yuta Kinowaki 85'
Mohun Bagan 4 - 0 Minerva Punjab
MB : Darryl Duffy 16', 32'; Jeje Lalpekhlua 28', 77'
ROUND 4
Bagan - 12 Pts; AFC - 10 Pts
January 21, 2017
Chennai City 1 - 2 Mohun Bagan
CCFC : Marcos Vinicius 52'
MB : Jeje Lalpekhlua 57'; Sony Norde 77'
January 22, 2017
Mumbai FC 0 - 1 Aizawl FC
AFC : Mahmoud Al Amna 80'
ROUND 5
Bagan - 13 Pts; AFC - 10 Pts
January 24, 2017
DSK Shivajians 0 - 0 Mohun Bagan
January 28, 2017
Chennai City 2 - 0 Aizawl FC
CCFC : Marcos Vinicius 53'; Charles De Souza 90+4'
ROUND 6
Bagan - 13 Pts; AFC - 13 Pts
February 1, 2017
Aizawl FC 1 - 0 DSK Shivajians
AFC : Brandon Vanlalremdika 89'
ROUND 7
Bagan - 16 Pts; AFC - 13 Pts
February 4, 2017
Mohun Bagan 3 - 2 Aizawl FC
MB : Darryl Duffy 2', 86'; Jeje Lalpekhlua 63'
AFC : Jayesh Rane 41'; Ashutosh Mehta 70'
ROUND 8
Bagan - 17 Pts; AFC - 16 Pts
February 10, 2017
Aizawl FC 3 - 1 Churchill Brothers
AFC : Lalramchullova 62'; Bayi Kamo Stephane 69';
Banpynkhrawnam Nongkhlaw 77 (OG)
CB : Ghanefo Ansumana Kromah 33'
February 12, 2017
East Bengal 0 - 0 Mohun Bagan
ROUND 9
Bagan - 18 Pts; AFC - 17 Pts
February 15, 2017
Aizawl FC 1 - 1 Bengaluru FC
AFC : Brandon Vanlalremdika 40'
BFC : Sunil Chhetri 45'
Mumbai FC 0 - 0 Mohun Bagan
ROUND 10
Bagan - 21 Pts; AFC - 20 Pts
February 18, 2017
Mohun Bagan 3 - 1 DSK Shivajians
MB : Balwant Singh 42', 44'; Katsumi Yusa 89'
DSK : Ongnam Milan Singh 33'
February 20, 2017
Aizawl FC 1 - 0 East Bengal
AFC : R. Laldanmawia 58'
ROUND 11
Bagan - 21 Pts; AFC - 23 Pts
February 25, 2017
Aizawl FC 1 - 0 Chennai City
AFC : Brandon Vanlalremdika 53'
ROUND 12
Bagan - 21 Pts; AFC - 26 Pts
March 4, 2017
Churchill Brothers 2 - 1 Mohun Bagan
CB : Anthony Anton Wolfe 65'; Chesterpoul Lyngdoh 75'
MB : Prabir Das 24'
Aizawl FC 2 - 0 Mumbai FC
AFC : Bayi Kamo Stephane 65', 78'
ROUND 13
Bagan - 22 Pts; AFC - 29 Pts
March 7, 2017
DSK Shivajians 0 - 1 Aizawl FC
AFC : R. Laldanmawia 85'
March 8, 2017
Mohun Bagan 2 - 2 Mumbai FC
MB : Pritam Kotal 12'; Balwant Singh 89'
MFC : Victorino Fernandes 22'; Thoi Singh 21'
ROUND 14 (Goal - 12)
Bagan - 23 Pts; AFC - 30 Pts
March 11, 2017
Bengaluru FC 0 - 0 Mohun Bagan
Minerva Punjab 2 - 2 Aizawl FC
MPFC : Loveday Okechukwu 61'; Kareem Omolaja Nurain 83'
AFC : Mahmoud Al Amna 45'; Bayi Kamo Stephane 56'
ROUND 6
Bagan - 26 Pts; AFC - 30 Pts
April 1, 2017
Mohun Bagan 3 - 0 Bengaluru FC
MB : Darryl Duffy 25'; Katsumi Yusa 14', 53'
ROUND 15
Bagan - 29 Pts; AFC - 30 Pts
April 9, 2017
Bengaluru FC 1 - 0 Aizawl FC
BFC : Marjan Jugovic 90+4'
Mohun Bagan 2 - 1 East Bengal
MB : Sony Norde 36'; Azharuddin Mallick
EB : Rowllin Borges 90+2'
ROUND 11
Bagan - 30 Pts; AFC - 30 Pts
April 12, 2017
Shillong Lajong 1 - 1 Mohun Bagan
SLFC : Aser Pierrick Dipanda Dicka 78'
MB : Jeje Lalpekhlua 75'
ROUND 16
Bagan - 33 Pts; AFC - 33 Pts
April 15, 2017
Churchill Brothers 1 - 3 Aizawl FC
CB : Anthony De Souza 69'
AFC : Bayi Kamo Stephane 7', 46'; R. Laldanmawia 85'
Minerva Punjab 0 - 1 Mohun Bagan
MB : Sony Norde 84'
Fixtures & Standings
Vawiin Inkhel Tur
2:05 PM Aizawl FC Vs Mohun Bagan
4:35 PM Churchill Brothers Vs Chennai City
7:05 PM Bengaluru FC Vs DSK Shivajians
April 23, Pathianni
4:30 PM East Bengal Vs Minerva Punjab
7:05 PM Mumbai FC Vs Shillong Lajong
Team Dinhmun
# Team Pld W D L GF GA GD Pts
1 Mohun Bagan 16 9 6 1 25 10 15 33
2 Aizawl FC 16 10 3 3 22 13 9 33
3 East Bengal 16 8 3 5 26 14 12 27
4 Bengaluru FC 16 6 6 4 20 15 5 24
5 Shillong Lajong 16 7 3 6 22 21 1 24
6 Churchill Brothers 16 4 5 7 18 22 -4 17
7 DSK Shivajians 16 4 5 7 18 19 -1 17
8 Chennai City 16 4 5 7 13 21 -8 17
9 Minerva Academy 16 2 6 8 12 26 -14 12
10 Mumbai FC 16 2 6 8 8 23 -15 12

I League chungchanga Traffic lama ruahmanna siam dan
1. College Veng kawng pengṭhuam leh 3rd MAP gate inkar kawngpui sirah lirthei dah/park phal a ni lo.
2. Mualpui Zero Point leh ITI-Mualpui kawng inkar kawngpuiah lirthei reng reng chhun dar 12 leh tlai dar 6 inkarah dah phal a ni lo. Zero Point aṭangin chho zawngin chhun dar 12 leh tlai dar 2:30 inkarah tlan phal a ni lo.
3. Zero Point leh RG Stadium/R. Dengṭhuama Indoor Stadium inkarah chhun dar 12 leh tlai dar 6 inkarah lirthei dah phal a ni lo.
4. Mualpui Zero Point aṭanga Republic Veng via Salem Veng chu one-way tur a ni a, chhun dar 12 leh tlai dar 2 inkarah chho zawngin lirthei tlan phal a ni lo a, tlai dar 3-6 inkarah chhuk zawnga tlan phal a ni lo.
5. Aizawl By-Pass Road-ah chhun dar 12 aṭangin tlai dar 6 inkarah motor lian tlân tlang phal a ni lo.
6. RG Stadium chu engtik lai pawhin lirthei te chi tan Falkland Veng leh Melthum aṭangin pan theih a ni.
7. R. Dengṭhuama Indoor Stadium leh a chhehvelah lirthei park a remchan dawn loh avangin 3rd. MAP ground leh Aizawl By-Pass Road kawng sir kopang lamah chauh lirthei dah tur a ni a, mi dang lirthei dah tawh dah thuah phal a ni lo.
8. Venghnuai Field leh Dam Veng inkar kawngah chhun dar 12 leh tlai dar 2:30 inkarah chhuk zawng chauha tlan phal a ni a, tlai dar 3:30 leh dar 6 inkarah chho zawng chauha tlan phal a ni.