Woods a hliam leh tawh

Tiger Woods chu a hnungzâng zai a nih avangin a rei lo berah thla ruk chhung vel tal chu infiamna khawvelah a inlan thei dawn lo. Major title 14 la tawh, a vanglaia golf world number 1 hi tun hnai thla 19 chhunga vawi thum an zaina a ni.

Kum 41-a upa Woods chuan, "Beiseina a la tawp lo, ka fate nena hlim taka infiam bakah professional golf khel tura lo kir leh theih ngei ka in beisei. Min zaina a kaltluang hle a, zawi zawiin ka taksa pawh ka sawi zawi leh thei tuai ang," tiin a sawi.

American star hian a hliam vang hian February thla khan Dubai Desert Classic aṭangin a lo inhnukdawk tawh a, hei bakah hian nipui laia khelh tur US Open, Open Championship leh US PGA-ah te a inlan thei dawn lo a ni.