World number 1 Andy Murray a tla

Andy Murray chu Monte Carlo Masters third round-ah vuak tlak a ni. Rafael Nadal leh Novak Djokovic te chuan quarterfinal an in hlangkai thung.

Ningani tlai in­khelah world number 1 Murray hian deciding set-ah 4-0 a hma a hruai tawhna hum zo loin seeded 15-na Albert Ramos-Vinolas lakah 2-6, 6-2, 7-5 in a tlawm. Britain tlangval hi a kiu hliam vanga thla khat a khelh hnuah a rawn kir thar leh chauh a ni a, beisei a la phak lo hle.

Kum 29-a upa Murray chuan, "Set hnuhnung ber kha 7-5 a ni a, kan inhnehtawk tih a chiang. Ka hliam a dam tawh a, chutihrualin duhthusam erawh a la ni lo. Chak lo mah ila ka chhe ta vek tihna a ni lo a, ka result ṭha lo a ṭang hian tho chhuak leh turin ka bei ang," tiin a sawi.

Inkhel dangah Djo­kovic chuan Pablo Carreno Busta lakah 6-2, 4-6, 6-4 in hnehna a chang. Serbian thiam­puipa hian Dominic Thiem hnehtu David Goffin a hmachhawn leh ang.

Monte Carlo no­mawi vawi kua chawi tawh Nadal chuan rawl­thar duhawm Alexan­der Zverev lakah zahngaihna a lantir lo. Grand Slam vawi 14 champion tawh Nadal hian darkar khat leh minute riat chhung lekin 6-1, 6-1 in a sawp. Nadal hi a champion leh a nih chuan clay title 50 a lak tlinna tur chiah a ni ang.