TKS hnehin Vikings-in Semifinal lut

Ningani zan Hawla Indoor Stadium inkhelah Mission Veng Vikings chuan Tuikual South 86-74 a hnehin Mizoram Super League semifinal an lut. MSL3-ah Zarkawt BCA, Vikings leh TKS te chu a sang pali zingah an awm chiang tawh.

Season hmasa semi­final-ah Tuikual hian Vikings hnehin final an lut a, tun ṭumah erawh result a danglam. Mission Veng tan Ronald March chuan point 44 zet score-in a team a chakpui. March hian rebound vawi riat a lak bakah assists ṭum nga a nei bawk a ni. Tualchhung player zingah Lalrina Renthlei (11 points), Michael F. Lalawmpuia (10) leh Moses Zoremmawia (8) ten American player an pui ṭha hle bawk.

Vikings hian tun hnai an match hnuhnung pathumah hnehna an chang vek, semifinal-ah inrintawkna an nei sang dawn. Season hmasa-a an ngam loh an 'bye bye' let theih avangin tun din­hmuna Misson Veng lawm­na hi a zual khawp ang.

Vikings manager H. Lahruaitluanga chuan, "March hian a khelh ṭhat bakah player dangte tan inrintawkna a siamsak. Tunah hian kan team boruak a ṭhain kan phur tlang em em a, huaisen taka kan khelh theih chuan huphurh kan nei lo," tiin Vanglaini a hrilh.

Team Dinhmun
# TEAM Pld W L Pts GF GA GD
1 Zarkawt BCA 4 4 0 8 315 277 38
2 Mission Veng Vikings 5 3 2 8 348 325 23
3 Khatla TBL 4 2 2 6 260 279 -19
4 Tuikual South BC 4 2 2 6 335 317 18
5 Chanmari Hollows 4 1 3 5 297 313 -16
6 Zarkawt Serpents 3 0 3 3 179 223 -44