Mizoramin semifinal an lut

Sub Junior National Foot­ball Championship-ah Mizoramin nimin khan Odisha 5-2 in an sawp a, match khat khelh tur la awm mah se semifinal an lut chiang tawh.

Mizoram tan hian Lal­nunsanga, Lalrempuia Hmar, Lalrokima, Zosangpuia leh J. Lalbiakliana ten goal khat ṭheuh an khung a, Odisha laka point thum hlawhchhuak turin harsatna an nei lo.

Pathianni khian Mizoramin an match hnuhnung berah Kerala an hmachhawn ang a, Lengpui rawlthar Lalrokima chu yellow card hmuh vangin a inlan theih lo ang.

Sun Junior Football hi Municipal Corporation Stadium, Calicut-ah khelh a ni a, semifinal hi April 26, Nilaini-a khelh tur niin final hi April 28, Zirtawpniah khelh ni ang.

Inkhel Result
Mizoram 5 - 2 Odisha
MIZ : Lalnunsanga 16'; Lalrempuia Hmar 45+1'; Lalrokima 68'; Zosangpuia 75'; J. Lalbiakliana 77'
ODI : Ashanta 67', 89'