Olympic champion an hrem

Olympic 100m hurdles champion Brianna Rollins chu damdawi hman phal loh lakah a fihlim nge fihlim lo tih endik tur a nihna vawi thum ngawtah a inlan loh avangin kum khat chhung atan hrem a ni.

Kum 25-a upa Rollins hian nikum khan vawi thum a hun neih a bawhpelh, ṭum khat chu United States president Barack Obama a hmuh vang niin vawi hnih dang erawh ngaihpawimawh tawk loh vanga ngaih a ni thung.

Rollins hian Rio Olympic-a hlawhtlinna a chan hnua a thil tawn hi a tan hun hrehawm ber a nih thu a sawi a, August thla a neih tur World Championships-ah pawh a inlan thei lo nghal ang.