Punjab tan Amla century a tawk lo

Kings XI Punjab tan Hashim Amla chuan century siamin a tawp thleng dam mah se Mumbai Indians lakah a team hnehna a chanpui zo chuang lo a, wicket riatin an tlawm.

Ningani zan IPL inkhelah Kings XI Punjab an bat hmasa zawk a, over 20-ah wicket li chiah hloha run 198 an siam avangin thlamuanna tham a ni. Kum 34-a upa Hashim Amla-a'n a kum ala tam lo tih pholangin run 104 a siam a, captain Glenn Maxwell chuan run 40 a vaw chhuak bawk.

Mumbai Indians tan target huphurhawm tak niin lang lo mah se Jos Buttler chuan run 77 a siam bakah run 62 siama a tawp thleng dam Nitish Rana chuan a thlawp ṭhat bawk avangin over 15.3 lekah Mumbai-in an target an umpha a, wicket hnih chiah hloh chungin hnehna an chang.