Warriors dinhmun a ṭha

Golden State chuan nimin zing khan Portland Trail Blazers 119-113 in an hneh. Warriors hian NBA playoff first round an match hmasa pathumah hnehna chang vekin series-ah 3-0 in hma an hruai.

Golden State hian an khelmulah a zawnin vawi hnih hnehna an chang a, Blezers court Moda Center-ah pawh harsatna an tawk chuang lo. Stephen Curry chuan point 34 a score a, a point score zinga 14 chu quarter hnuhnung bera a neih a ni. MBA Most Valuable Player bakah hian Klay Thompson (17 points) leh Andre Iguodala (16) ten an thawhhlawk hle bawk.

Thawhlehni zing dar 8:00-ah Game 4 an khel leh dawn a, Western Conference hmahruaitu Golden State hian hnehna an chang leh a nih chuan conference semifinal an lut chiang ang.