Khalid-a club hlui Mumbai FC an relegate

Mumbai FC-in season tharah I League an khel tawh dawn lo. Inrinni zan khan Churchill Brothers chuan Bektur Talgat goal li leh Ansumana Kromah leh Brandon Fernandes goal khat ve ve khung hmangin Chennai City chu 6-1 in an sawp a, Mumbai tan Goan club umphak ngaihna a awm tawh lo.

I League-ah team 10 awm mah se DSK Shivajins, Chennai City leh Minerva Punjab chu sum hmanga inlei tling an nih avangin relegate thei lo an ni a, Mumbai elpui chu parukna Churchill hi an ni. Mahse, Goan club hian hnehna an chan takah chuan match khat chiah khelh tur awm tawhah point 20 an nei a, point 12 hmutu Mumbai tan umphak ngaihna an awm tawh lo.

Khalid Jamil-a club hlui Mumbai hian nizan khan Shillong Lajong an khelhpui a, an result kan hre hman lo.

Inkhel Results
Churchill Brothers 6 - 1 Chennai City
CCB : Bektur Talgat Uulu 22', 82', 84', 90+3'; Ghanefo Ansumana Kromah 66'; Brandon Fernandes 89'
CCFC : Soosai Raj 54'
Bengaluru FC 7 - 0 DSK Shivajians
BFC : Sunil Chhetri 22', 66'; Alwyn George 22'; Eugeneson Lyngdoh 25'; Seiminlen Doungel 31'; CK Vineeth 78'; Sandesh Jhingan 90'