Kan indah ṭha dawn lo - BCA coach

Mizoram Super League (MSL) hmahruaitu Zatkawt BCA chu 'Play In' khel turin tling tawh mah se, an league khelh hmabakah player indahṭhat an tum lo. Zanin dar 8:30-a Khatla TBL nen an inkhel hunah pawh a ṭha thei ang bera khelh an tum.

BCA coach Lalruatfela chuan, "Group hmahruaitu nih a pawimawh, TBL hi kan hneh a nih chuan a chung berah kan awm tlang thei dawn. Chuvangin theihtawp kan chhuah dawn a, a ṭha thei ang bera khelh kan tum," tiin Vanglaini a hrilh.

MSL champion lai Zarkawt BCA hian kuminah match riat an khel a, vawi khat an chesual zauh tih loh chu an chak vek. Khatla TBL erawh match sarihah vawi hnih an tlawm tawh, pathumna niin an dinhmun a la him tawk lo, an tan zanina chak a pawimawh zual dawn.

Tualchhung baksetball inelna lian ber kan thlirkir a nih chuan, a tir season pahniha champion TBL leh tun hnaia vawi thum champion thei BCA te hi team ṭha bik an ni, sulhnu nei ṭha an nih avangin player naupang zawkte pawhin inrintawkna an nei, an inkhel tur hi a hmuhnawm dawn.

TBL hi an player hlui Vanlalnunsanga hoa khel an ni, season dang ang lo takin state pawn aṭanga an player chah luh a danglam. 6ft 8in a sang Levi Bradley Jr. hi ṭhiante tana khel ṭhin a ni a, tun ṭumah pawh hian team game kan hmu lehin a rinawm.

League an khelh tawh chin thlir chuan BCA hi team ṭha ber an ni tih a sawi ngam, anni el phak tur kan zawng a nih chuan Khatla TBL hi a chhanna an ni thei ang. Sulhnu nei ṭha, player ṭha awmkhawmna inkhel hi a hmuhnawm ang.

July 29, Nilaini
Chawnpui 05:00 PM MSV Hotshots
Zarkawt BCA 08:30 PM Khatla TBL

June 30, Ningani
MSV Hotshots 08:00 PM Chanmari Vikings

July 1, Zirtawpni
Zarkawt BCA 08:00 PM Tuikual South

July 2, Inrinni
Chanmari Vikings 08:00 PM Khatla TBL