Vawiinah Sharapova inlan dawn

Maria Sharapova chuan thla 15 chhung hrem a nihna a hmang zo ta. Russian star hi WTA Tour event pakhat Stuggart Open-ah a inlan thei nghal dawn, vawiin chawhnu dar 1:30-ah Roberta Vinci nen an inkhel ang.

Kum 30-a upa Shaparova hi International Tennis Federation-in kum hnih inkhel thei lo turin a hrem a, hrem a nihna hi infiamna lam thubuai ngaihtuahtu sang ber Court of Arbitration for Sport-ah a khing let. CAS hian thla 15 atan a tih tawi sak a ni.

Grand Slam vawi nga cham­pion tawh Sharapova hi Stuttgart bakah Rome leh Madrid Open buatsaihtuten wildcard an pe chiang tawh a, dan a bawhchhe chunga duhsakna a dawn cheu avang hian a player puiten an sawisel phah reng a ni.

Stuttgart Open-a a hma­chhawn tur Vinci chuan, "Wild­card pek a ni hi mak ka ti. Thil a tisual a, hremna pawh a hma­chhawn ngei. Ṭha takin a rawn inkhel leh thei tur hi kan tan buaina tur a awm lo. Mahse, wildcard pek nghal a ni zel hi chu a awm lo ka ti hle," tiin a sawi.