Younis Khan-a'n test run 10,000 a siam

Pakistani batsman Younis Khan chu Pakistan cricketer zinga test run 10,000 (sing khat) vaw chhuak hmasa ber a ni ta. Kum 39-a upa batsman hian West Indies nen test series match thum an khelh tura an match hmasa ber an khelh hmain test run 10,000 vaw kai tur hian run 23 chiah a mamawh a, Pathianni khan he record hi a siam ta a ni.

Younis Khan hian test series match thuma a hmasa ber a khelh hian Pakistan tana a test 116 khelhna chiah a ni a, kum 2000 khan a match hmasa ber khelin Carib­bean-a test series an khelh zawhah hian cricket a chawlhsan tawh ang. Younis hi test-a run 10,000 vaw tling thei 13-na a ni a, heti zat run siam tur hian vawi 32 ngawt test century siamin kum 2009-ah khan Sri Lanka laka run 313 siamin test run a siam hnem ber ṭum a tawng.