Murray leh Djokovic-te Dinhmun ngaiah an ding
Thawhṭanni tlai khan Association of Tennis Professionals (ATP) chuan mipa tennis ranking thar ber a ti chhuak a, world number 1 Andy Murray leh number 2 Novak Djokovic te chu an dinhmun ngaiah an ding.
Monte Carlo Open champion hlim Rafael Nadal chuan player pahnih lehpelin pangana dinhmun a luah. Kumina Grand Slam hmasa ber Australian Open champion Roger Federer chu palina a la ni zel.
Grand Slam vawi 18 champion tawh Federer hian Australian Open bakah Indian Wells leh Miami Open nomawi a chawi tawh a, May thla tawp lama khelh ṭan tur French Open hma chu a hahchawlh tur thu a ti chiang tawh.
Asia tlangval zinga tawng sang ber Kei Nishikori chuan tun hnaiah beisei ang result a neih theih loh avangin step hnihin a tawlh hnung, Japan tlangval hi pasarihna a ni.
ATP Ranking Thar
# Player Ram Points
1 Andy Murray GBR 11,690
2 Novak Djokovic SRB 8,085
3 Stan Wawrinka SUI 5,695
4 Roger Federer SUI 5,125
5 Rafael Nadal ESP 4,235
6 Milos Raonic CAN 4,165
7 Kei Nishikori JPN 4,010
8 Marin Cilic CRO 3,565
9 Dominic Thiem AUT 3,385
10 David Goffin BEL 2,975