Football leh Futsal player-te tan AIFF-in hriattirna tichhuak

All India Football Fe­­deration chuan state football association tinte hnenah hriattirna chhuah nawnin, an hnuaia player-te chu AIFF leh state FA hriat­puina ni lo inkhela in­­hnam­hnawih lo turin a hriattir.

April 10 khan AIFF chuan state football asso­ciation tin hnenah hriat­tirna chhuahin Football, Futsal leh Beach Soccer-ah India ram chhunga thuneitu chu AIFF a ni a, hei vang hian state tina FA-te chu an player-te chu an hriatpui loh inelnaa tel lo turin an hriat­tir a; a tel luite chung­ah thununna an lek­­kawh tur thu an chhuah.

Mizoram Football Association pawhin he mi zulzui hian hriattirna chhuah tawhin, MFA/District FA hriatpuina tel lo chuan an registered player-te chu Football leh Futsal inelnaa tel lo turin an hriattir tawh bawk a ni.

ADFA pawhin an re­gistered player-te chu MFA/ADFA hriatpuina ni lo inelnaa tel lo turin hriat­tirna an chhuah tawh bawk.