Andy Murray a vannei

World number 1 Andy Murray chu a khingpui tur Bernard Tomic a inlan theih loh avangin Barcelona Open-ah se­cond round khelh hah ngai loin a paltlang.

Britain tlangval Mur­ray hi first round-ah a bye a, nimin tlai khan a match hmasa ber hi khel tur a ni. Mahse, Tomic hi a hnungzâng na vangin a inlan thei ta lo a ni. Murray hian last 16-ah chuan Albert Montanes leh Feliciano Lopez te inkhela chak zawk a hmachhawn ang.

Barcelona Open buatsaih tute hian inelna an neihna stadium chu 'Pista Rafa Nada' tiin kar hmasa khan a hming an vuah thar. Grand Slam vawi 14 champion tawh Nadal hian tun hnai kum 12 chhungin he hmunah hian nomawi vawi kua ngawt a chawi a ni.