Junior-ah Mizoram chak nghal

National Junior Foot­ball Championships-ah Mi­zoramin an match hma­sa berah Uttara­khand chu 5-0 in an sawp. Inelna hi Bhillai, Chhattisgarh-ah neih a ni a, Mizoram hian April 28, Zirtawpni tlaiah Delhi an hmachhawn leh ang.

Nimin inkhelah hian Mizoram tan Salem Veng rawlthar R. Lalṭha­pui­a'n goal hnih khungin Lal­thanmawia (Ramhlun South), Zakaria Lalhriat­puia (Khawlian) leh PC Lalhruaitluanga (Leitan) ten goal khat ṭheuh an khung bawk.

Mizoram awmna group-ah hian Uttara­khand bakah Jharkhand leh Delhi te awmin group hmahruaitu chauhin semi­final an lut ang.

Mi­zo­ram hian kum 2013 khan tun ṭuma manager Hmingthansanga kaih­hruaiin BC Roy Trophy ah hian an champion tawh a, kum hnih inelna neih a nih loh hnuin nikum khan khelh leh niin final-ah Mizoramin Punjab an hneh lo.

Mizoram manager Hmingsanga chuan, "Kan match hmasa ber a ni a, ni a sat bawk avangin kan duh­thusam chuan kan khel lo. Chu­tih rualin goal nga kan khung a, goal kan chhuah loh avangin kan khelh danah lawmna tur a tam hle. Champion ngei tumin theihtawp kan chhuah zel ang," tiin Vanglaini palai a hrilh.

Mizoram junior team coaching staff hi Hming­sanga, C. Van­lalhriatrenga (coach) leh Vanlalrova (assistant coach) te an ni.

Results & Fixtures
Nimin Inkhel Result
Mizoram 5 - 0 Uttarakhand
MIZ : Lalṭhapuia 22', 69'; Lal­than­mawia 43'; Zakaria Lalhriatpuia 57'; Lalhruaitluanga 83'
April 28, Zirtawpni
Delhi Vs Mizoram
April 30, Pathianni
Mizoram Vs Jharkhand