Ruahsur vangin inkhel lo

Nilaini zan khan Royal Challengers Bangalore leh Sunrisers Hyderabad chu Indian Premier League-ah inhmachhawn tura tih ni mah se ruah sur vangin club pahnih an inhmachhawn thei lo a, point khat ve ve an insem.

RCB tan an khelmuala an inlan thei lo hi pawi tih vang vangna tham a ni. India captain Virat Kohli kaihhruaina hnuaia khel club hian match sarih an khelh tawhah vawi hnih chiah an la chak avangin Nilaini zan inkhel hi insiamṭhat nan hman tum mah se ruah an dang zo lo - match riatah point nga chiah neiin parukna an ni mek.

Bangalore club hi zanin dar 8:00-ah an inlan lehnghal dawn a, an khelmualah Gujarat Lions an mikhual dawn avangin ruah sur tawh lo se an ti khawp ang!