Sindhu chak niah Saina a tla

Badminton Asia Championships 2017 khelh mekah nimin khan PV Sindhu chuan a match hmasa berah hnehna a chang a, inkhel dangah Saina Nehwal erawh a chak lo nghal thung.

Wuhan Sports Center Gymnasium-a inkhelah Indian shuttler Sindhu hian minute 31 chhung lekin Indonesian nula Dinar Dyah Ayustine chu 21-8, 21-18 in a hneh. Rio Olympis silver medalist Sindhu hian tun hnaiah hma a sawn zel a, January thla khan Syed Modi Grand Prix Gold-ah a champion bakah tun thla tir khan India Super Series title a la bawk.

World number 1 hlui Saina erawh tun hma lama vawi nga a lo hneh tawh Sayaka Sato lakah 21-19, 16-21, 18-21 in a chak lo thung. Sato hian seeded pa­sarihna India nula hi vawi hnih a hnehna chiah a ni.

Mipa singles lamah Ajay Jayaram chuan a match hmasa berah player ṭha a hmachhawn nghal, seeded pangana Tian Houwei chu 21-18, 18-21, 21-19 in a hneh hram.