July-ah Fury lo kir a tum

Heavyweight cham­pion hlui Tyson Fury chuan boxing khaw­velah lo kir leh ngei a tum thu a sawi a, July-a Billy Joe Saunders leh Avtandil Khurtsidze-te inhnek hunah inhnek pui ber neih a nih hmain inlan ve a tum a ni.

Fury hian July 8-a Saunders leh Khurtsdize-te inhnek tur inpuahchah nan hian Spain-a khawpui pakhat Marbella a pan thu social media lamah a pholang.

Kum 28-a upa boxer hian No­vember 2015-a Wladmir Klitschko a hneh hnuah ring chhung a la rap leh rih lo a, rilru lam buaina a neih avangin October khan a boxing licence chu tihtawp sak a ni.

British boxer hian May-ah lo kir a tum thu sawi mah se British Boxing Board of Control chuan a licence hren sak a la nih thu an lo sawi tawh. Fury hian nikuma a licence hlih a ni hma ni chiah hian WBO leh WBA world heavyweight title a kawl lai chu venghim turin a hriselnain a phak rih lo tih sawiin a kalsan a ni.