Zaninah MSL playoff enchhinna

Mizoram Super League season 3 khelh mekah zanin dar 7:45 hian Hawla Indoor Stadium, Republic Vengthlangah Chanmari Hollows leh Zarkawt Serpents ten league round match hnuhnung ber an khel dawn.

MSL3-ah hian Zarkawt BCA, Mission Veng Vikings, Tuikual South leh Khatla TBL ten semifinal an lut tawh a, zanin a inkhel tur team pahnih te hian playoff an khel dawn tih a chiang tawh - relegation playoff a intawng tur enchhinna hmasa a ni ang.

Season hmasa semifinalist Serpents hian match li khelh tawhah chakni hmel an la hmu lo a, MSL vawi thum awm tawha la inlan kim vek hian chak nei loa tawp an hreh ang. Hollows-in Mizorama basketball inelna lian an hmachhawn hmasak berah Vikings chiah hneh an la nei bawk.