UEFA hotuin AIFF a fak

Europe-a football thuneitu sang ber UEFA Head of Stakeholder Affairs Alex Phillips chuan kum tawp lama FIFA Under 17 World Cup thleng tura inbuatsaih mek AIFF chuan hna ṭha takin an thawkah a ngaih thu a sawi a, In­dia inbuatsaihna chu chhuan­awm a tih thu a sawi.

Alex Phillips chuan, "India rama state parukah tournament hi khelh kual a ni dawn a, ka lawm em emna chu he tournament nena inkaihnawih state-ah te ṭha taka grassroots football kalpui a ni hi a ni. AIFF hian India tana hmathlir thui tak neichungin hna an thawk a ni," tiin AIFF a fak hle.