Knight Riders chhanhimtu Robin

Nilaini zan IPL inkhelah Kolkata Knight Riders chuan wicket sarih ngawtin Rising Pune Supergiants an hneh a, Pune khawpuia inkhelah mikhual tlangnel KKR tan batsman Robin Uthappa chuan run 87 ngawt vaw chhuakin a langsar hle.

Rising Pune an bat hmasa zawk a, over 20-a an run siam zat chu 182 niin wicket nga an hloh. Pune tan ṭum dang ang bawkin opener Ajinkya Rahane chuan run 46 siamin bul a ṭan ṭha viau a, captain Steven Smith chuan run 51 siama a tawp thleng damin a che ṭha hle bawk.

Pune-in target pangngai tak an tuk niin a lang a, KKR tan opener Sunil Narine-a'n run 16 chiah a siam hman tiha an out phei chuan Kolkata hi an zawr dawn niin a lang hman. Mahse, captain Gautam Gambhir chuan a naute tan entawn tur hnutchhiahin run 62 ngawt a vaw chhuak a, a dinpui Uthappa-a'n run 80 chuang a rawn siam ve leh bawk avangin Kolkata hi hnehna an chanpui.

Zanin Inkhel Tur
Kolkata Knight Riders 04:00 PM Delhi Daredevils
Kings XI Punjab 08:00 PM Sunrisers Hyderabad