Pathianniah Joshua vs Klitschko

Khawvel ngaihven heavweight boxing-ah Anthony Joshua leh Wladimir Klitschko chu Pathianni zing hian Wembley Stadium, Lon­don-ah an inhnek dawn. Boxer pahnih hian IBF leh WBA heavyweight title an inchuh ang a, a hmunah mi 90,000 aia tlem loin an en turah ngaih a ni.

Kum 41-a upa Klits­chko chuan, "Inhnek thlen hma hauhin tu nge chungnung zawk chu mipuiin an hria. Kan inhnekna tur hmun hi Joshua-a seilenna hmun pawh a ni thei, mah se ring chhunga kan luh hunah chuan he inhnek hi 'keima pual' a ni tih hmuh turin a awm ang. Joshua hian a kut lek chhuah bak thiam dang a nei lo," tiin a sawi.

Vawi 18 inhnek a hmachhawna a khingpui hneh vek thei Joshua a duai bik lo, British boxer chuan, "Boxer ṭha ni lo ila vawiina ka awmna hmunah hian ka awm lo ang. Klitschko hian boxer ṭha zawka a inchhal a nih chuan a sawi ang chu ni mai se la, mah se a khabeah chiang taka ka hnek hun chuan ding zo turin chakna a mamawh ve khawp ang. Ropuina kailawn rap turin pen khat chu ka pen leh ta," tiin chak a inring hle.