Sub Junior-ah Mizoram champion
Sub Junior National Football Championship 2017-ah Mizoramin nimin tlai khan Meghalaya chu 1-0 a hnehin an champion.
Municipal Corporation Stadium, Calicut, Kerala-ah Mizoram tan K. Lalfakzuala'n injury time-ah a tauh goal a, Ramthar Veng rawlthar goal khung hi nomawi chawi nan a tawk.
Final chu
Kerala-a inelna neihah Meghalaya-in final hma zawngin record nei ṭha ber mah se an khingpui Mizoram an hre chiang a, nomawi chawi tumin defensive game khelin counter attack-ah an innghat.
Mizoramin ball an chang tam a, inkhel thunun chungin chance ṭha bik an insiam thei lo. Midfielder Lalrokima, J. Lalbiakliana leh Zosangpuia (Valpuia) ten box pawn aṭangin goal khung tumin pet mah se goal zawnah an pet lo.
Hun tawp hma hretin Valpuia'n crossbar a pet per a, vanduai turin lang hman mah se injury time-ah team ṭha zawkin goal an khung. Corner aṭanga ball kal chu Meghalaya lamin tauh chhuak mah se Valpuia zawnah a tla a, Armed Veng South rawlthar hian cross zui nghalin Faka'n a tauh goal.
Mizoram an lawm
Mizoram manager Zaihmingthanga chuan, "Min ṭawngṭaipuitu zawng zawng chungah lawmthu kan sawi a ni. Final-ah inkhel thunun mah ila vanduai thei kan ni a, Pathian khawngaihna zarah hnehna kan chang a ni. Kan result avang hian lawm takzet a ni," tiin Vanglaini a hrilh.
Venghlui tlangval Zaitea chuan, "Coaching staff leh player-te kan inlungrual a, kan thawkrim bawk. MFA lamin kan mamawh ang te min pe a, an chungah kan lawm takzet bawk," tiin nomawi phenah thawhrimna a awm thu a sawi.
Mizoram hian final round lut turin nikum December thla khan Manipur an hneh a, February 7 aṭangin training ṭan lehnghalin champion turin inpuahchahna an nei ṭha hle a; NE Zone khel turin Krismas lai pawhin an camp a ni.
Vawi rukna
Mizoram hian kum 2003 khan Lammualah Sub Junior National C'ship-ah a vawi khat nan an champion a, hemi ṭuma Mizoram hneh chu Meghalaya tho an ni.
Inelna hi tun hmain Mir Iqbal Hussain Trophy tih ṭhin kha a ni a, Mizoram hian sub junior inelna hmangin hriat an hlawh ṭan. Kum 2004 leh 2005-ah nomawi chawi zuiin kum 2008 leh 2010 khan an champion leh bawk.
Tun ṭum hi Mizoram vawi ruk champion-na a ni a, West Bengal tih loha record nei ṭha ber a ni.
Mizoram Sub Junior Team
HMING NU/PA HMING VENG/KHUA
GOALKEEPER
1 H.Lalrinzuala H.Lalmalsawma Electric Veng
2 Ryan Lalṭhakima Renthlei R. Neihlaia Kolasib
3 David L.V.L Hmangaihzuala Lalṭanpuia Kolasib
DEFENDER
4 FC Lalhmunmawia FC Lalsawmliana Sairang Dinthar
5 Joshua V.L. Rinliana Ngente V.L. M.S Dawngliana Ramthar Veng
6 Rinhlupuia H. Lalnuntluanga Dawrpui
7 Obadia Lalramtleizuala Lallianmawia Chaltlang North
8 K. Lalhmingmawia K. Lalhriatrenga Venghlui
9 K. Lalfakzuala Laikhuma Ramthar Veng
MIDFIELDER
10 Lallawmawma Lalchuailova Sesawng
11 Vanlalpeka C. Lallawmkima Ramhlun Venglai
12 Vanlalpeka Lalhmachhuani Chaltlang
13 Vanlalrinchhana Lalramnghaka Champhai Tlangsam
14 J. Lalbiakliana J. Lalhmunsanga Armed Veng South
15 Lalrokima Lalremsiami Lengpui
16 Zosangpuia Zoremsiama Tlungvel Vengthar
17 Lalrempuia Hmar Hmingthanchama Ramthar Veng
FORWARD
18 Lalnunsanga Lalngaihawmi Kolasib Venglai
19 C. Zohmingsanga Zodinsanga Kawnpui Venglai
20 Lalruatmawia Lalremruata Chhingchhip
COACHING STAFF
Coach Vanromawia Chhinga Veng
Asst. Coach H. Lalnunzira Chanmari West
Manager Zaihmingthanga Venghlui
Champion Kalkawng
Group Stage (April 17, Thawhṭanni)
Mizoram 3 - 0 Uttar Pradesh
MIZ : Zosangpuia 9', 25 '; J. Lalbiakliana 15'
April 19. Nilaini
Mizoram 2 - 0 Madhya Pradesh
MIZ : Lalnunsanga 18', 70'
April 21, Zirtawpni
Odisha 2 - 5 Mizoram
MIZ : Lalnunsanga 16'; Lalrempuia Hmar 45+1'; Lalrokima 68'; Zosangpuia 75'; J. Lalbiakliana 77'
April 23, Pathianni
Mizoram 2 - 2 Kerala
MIZ : J. Lalbiakliana 19'; Lalnunsanga 45+2
Semifinal (April 26, Nilaini)
Mizoram 5 - 2 West Bengal
MIZ : Lalrempuia 9', 22'; Zosangpuia 13';
Lallawmawma 40'; Lalnusanga 47'
Final (April 28, Zirtawpni)
Mizoram 1 - 0 Meghalaya
MIZ : K. Lalfakzuala 90+2'