Bye bye kan hmu leh dawn

Mizoram Super League semifinal-a in­tum tur a chiang ta. Hmahruaitu Zarkawt BCA leh nomawi kawltu Khatla TBL an inhmachhawn dawn a, semifinal pakhat zawkah Tuikual South leh Mission Veng Vikings an intawng bawk ang.

Ningani zan khan Hawla Indoor Stadium-ah Tuikual leh TBL ten an league round match hnuhnung ber an khel a, Tuikual hian season hmasa final-a an hneh loh lakah 78-71 a phuba lain hnehna an chang. Tuikual tan hian Lalrohlua chuan point 20 score-in team pahnih player zinga score hnem ber a ni.

April 4, Ningani zanah semifinal game hmasa zawk khelh a ni dawn a, TBL leh BCA an inkhel ang. Zarkawt club hian league round-ah hneh loh nei loin an khel ṭha tluang hle a, season hmasa ber final-a an ngam loh hneh let theihna hun ṭha an nei dawn.

MSL2 semifinal-ah Tuikual lamin Mission Veng hnehin final an lut a, Tuikual hian Vikings fans an bye bye. Team pahnihte hi MSL3 semifinal Game 1 khel turin April 5, Zirtawpni zanah an intawng leh dawn a ni.