Ṭumpui Kolasib an kal zel, Phuldungsei an chak lo

LBS Suzuki Inter Village Football Tournament 2022-ah Ṭumpui, Kolasib-in team ṭha an ni tih nemnghetin nimin khan Tuivamit an hneh. Ṭumpui hian first round-ah Aizawl veng ṭha Dinthar an hneh a, a thiam 64 zingah an inpet tling.

Social media lama ngaihven hlawh, ban pakhat nen chauha khel Timothy Lalremsanga telna Phuldungsei chuan Thiltlang 2-1 in an hneh lo.
Nimin aṭangin second round khelh ṭan a ni a, khelmual pathumah inkhel 12 awmin Ṭumpui bakah hian West Phaileng, Zawlnuam Bawrai Veng, Thiltlang, Darlak, Jt VC Lawngtlai, Darlawng, Hnahthial, Khawzawl Vengthar, Lungdai, Hriphaw leh Zemabawk ten second round an lut.

Hei le, Ṭumpui
Nomawi chawi thei bik William Lalnunfela telna Ṭumpui, Kolasib-in nimin khan Tuivamit 4-1 in an hneh a, harsatna lian tham an tawk lo. Ṭumpui tan Vanrammawia Ngente-in goal hnih a khung bakah Lalropuia leh Ramhlunchhunga ten goal khat ve ve an khung.

Ṭumpui hian inelna ṭantirhah Dinthar an hneh tawh a, tunah h last 64 an lut ringawt ni loin last 16 kawng a inhawng zau ta hle. Mizoram football baka ISL thlenga tawnhriat nei ṭha William-a'n Ṭumpui hi a ho a, Mizo winger hmuhnawm Chhunga bakah rawlthar duhawm an kawl nual avangin team tum châkawm loh zinga mi an ni.

Village Council an vul
Nimin khan team 12-in third round an lut a, heng zinga team 11 hi village council team an ni.

Aizawl khawpui aṭanga second round lut hmasa ber leh awm chhun ni rih chu Zemabawk an ni. Zemabawk hian Jacob Lalhruaisanga hattrick hmangin Rawpuichhip 4-0 in an hneh.

Lengpuia inkhel dangah Hriphaw leh Lungdaiin Aizawl khaw team Zuangtui leh Zonuam an hneh. Hriphaw hian Zuangtui an hneh hma hian an veng ṭhenawm Ṭhuampui an hneh tawh bawk.

Lammualah inkhel pali a awm a, Aizawl pawn team vek an ni. West Phaileng leh Luangpawl te 2-2 a an inhnehtawk hnuah penalty shootout-ah a tira si hnih phur hmasatu West Phaileng an vannei.

Zawlnuam Bawrai Vengin Hnahlan hnehtu Dengsur 2-1 in an hneh a, Thiltlangin 2-1 thoin Phuldungsei an hneh. Match tawp berah Darlakin Gosen Veng (Kolasib) 3-0 in an hneh bawk.

MFA Ground-ah Darlawngin Bawngkawn South 4-1 in an hneh a; team ṭha Khawzawl Vengtharin Durtlang Leitan rawlthar rual 4-0 in an hneh bawk.

Saichal an inlan loh avangin walk over-in Hnahthial Jt VC an chak a; Jt VC Lawngtlaiin Damparengpui 5-0 in an sawp a, anni hian game hnihah goal 11 an thun tawh - team hlauhawm an ni.

LBS Suzuki Inter Village
Football Tournament 2022

Nimin Inkhel Results

Khelmual : Lammual
Luangpawl VC 2 - 2 West Phaileng VC
Penalty Shootout-ah West Phaileng 4-3 in an chak
LUA : Lalrinhlua 15'; Lalthanzama 40'
WPL : Malsawmzuala 48'; Vincy Lalhruaitluanga 79'
Zawlnuam Bawrai Veng VC 2 - 1 Dengsur VC
ZAW : C.Lalruatmawia 33'; Lalhmingsanga 47'
DEN : Vanlalduata 90+1'
Thiltlang VC 2 - 1 Phuldungsei VC
THI : C. Malsawmsanga 66, 85'
PHU : Lalengmawia 49'
Gosen Veng VC, Kolasib 0 - 3 Darlak VC
DAR : Lalnuntluanga 49'; Remruatpuia 62', 90+2'

Khelmual : MFA Ground, Sairang Dinthar
Jt VC Lawngtlai 5 - 0 Damparengpui VC
LAW : A. Lalhruaitluanga 3', 16', 73', 75'; Laldinpuia 86'
Bawngkawn South LC 1 - 4 Darlawng VC
BAW : Johny Lalruatfela 24'
DAR : Lalramdina 7'; Lalrintluanga 9', 61'; Lalhmangaihzuala 80'
Saichal VC 0 - 3 Hnahthial Jt VC
Hnahthial hi walkover-in an chak
Durtlang Leitan LC 0 - 4 Khawzawl Vengthar VC
KHA : Joseph Vanlalhriatrenga 7', 62'; Vanlallawma 36' (P); F. Lallawmzuala 64'

Khelmual : Lengpui MSC
Tumpui VC, Kolasib 4 - 1 Tuivamit LC
TUM : Vanrammawia Ngente 1' 81'; Lalropuia 45'; Ramhlunchhunga 87'
TUI : Lalhruaitluanga 42'
Zonuam LC 0 - 1 Lungdai VC
LUN : Lalngaihsaka 89'
Zuangtui LC 3 - 4 Hriphaw VC
ZUA : Lalmuanpuia 39', 40'; Zosangzuala 63'
HRI : Lalhluzuala 1'; Jonathan Lalzuimawia 21' (OG); Lalthafela 31', 53'
Zemabawk LC 4 - 0 Rawpuichhip VC
ZEM : Jacob Lalhruaisanga 13', 21', 61'; Freddy Lalrinchhana 45'