Armed Veng South khingpui tur Edenthar

All Mizoram Inter Village Football 2022-ah Armed Veng South hi champion tura rinkai an ni a, vawiin chawhnu dar 2:00 hian Edenthar an hmachhawn ang. AVS hian an match hmasa berah Mimbung chu 11-1 zetin an sawp.

Armed Veng South tan hian Mizoram Police striker Lalnunsanga (Talea) chuan goal sarih ngawt a khung a, MPL-a tawnhriat nei ṭha Lalrammuanpuia'n goal hnih a khung bakah C. Ramdinmawia leh talent nei ṭha J. Lalbiakliana (Valpuia) ten goal khat ve ve an khung - ISL-a defender rinrawl ni phak Laldinliana an nei bawk.

AVS hian kum 1999 khan Inter Village Football-ah nomawi an chawi tawh a, thlen san chu ngah mah se nomawi an la chawi leh lo. An khingpui tur Edenthar erawhin sulhnu lian an la nei lo a, first round an bye a ni.