Lengpuiah team ṭha fuankhawm

All Mizoram Inter Village Football-a group of death tia sawi theih chu group D an ni a, team ṭha rual awmna group hian Lengpui Mini Sports Complex an chang. Vawiin hian team ṭha Zemabawk North, Republic Veng, Champhai Zotlang leh Bethlehem Vengthlang-te an inlan ang.

Chawhma dar 9:00-ah Zemabawk North-in Zotlang an hmachhawn dawn a, Zemabawk North hi David Lalrinmuana leh Samuel Lalmuanpuia-te awmna a ni.

Chhun dar 11:00-ah Republic Veng leh Thingsul Tlangnuam te an inkhel dawn. Republic Veng hian match hmasa berah Bukpui 11-0 in an hneh a, Thingsul Tlangnuam erawhtawh a khirh tawh ang.

Champhai lam inelnaa semifinal thleng thei Champhai Zotlangin dar 1:00 hian Bungṭhuam an hmachhawn dawn. Bungṭhuam hian an match hmasa berah Zarkawt 3-2 in an hneh a, Zotlang hi an hlau bik lo ang.

Tlai dar 3:00-ah Bethlehem Vengthlang leh Phulpui an inkhel dawn. BVT hi chak tura rinkai ni mah se team ṭha Durtlang pawh Thenzawl West lakah an chesual - an match hmasa bera Phullen laka 4-2 chauha chak BVT hi Phulpui hian an 'upset' thei ang em?