MFA Ground-ah Ramhlun South leh Lengpui

Veng-Veng, khua-khua inkhelah chuan Ramhlun South leh Lengpui hi team langsar zinga mi an ṭhin - tunah pawh champion tura rinkai phak an ni ve vea, nimahsela group C-ah an awm dun avangin team pakhat zawk tan chauh semifinal luh theih a ni. Chutihrualin he group-ah hian Hnahthial Jt VC an awm tih hriat a ṭha bawk.

Nomawi ṭhahnem tak chawi tawhtu Ramhlun South hian an match hmasa berah Jt VC, Vairengte chu 9-5 in an hneh a, an talbuai hle. Malsawmfela-te unauin Ramhlun South hi an chhan a, vawiin chawhma dar 9:00 hian MFA Ground, Sairang Dintharah match hmasa bera game mawi kheltu Mission Vengthlang an hmachhawn dawn - sawi lawk theih a ni lo.

Aizawl pawn team hlauhawm Lengpuiin player ṭha an kawl hnem a, tlai dar 3:00 hian MFA Ground-ah tho Sesawng VC II an hmachhawn dawn. 2006 CYMA Football champion Lengpui hian hemi ṭuma an star player Rohmingthanga'n a enkawl a ni..