Lenchimin thlen san zel an tum

Kum 2011 chhiarpuiah Lenchim khuaah chenna in 76 lek an awm a, mi 338 chenna a ni. Saitual District-a awm Lenchim hian match hmasa berah Chaltlang Lily Veng an hneh tawh a, vawiin chawhma dar 8:00 hian RG Stadium-ah Aizawl Venglai an hmachhawn dawn.

Lenchim hi an khaw tet aṭanga en ngawt a rem lo a, 9v9 a inkhelh theihna khelmual ṭha an nei. Chaltlang Lily Veng an hneh hnuah Lenchim hi an khuaah an let leh phawt a, nimin zing khan pick up-in Aizawl an rawn pan.

Aizawl Venglai hi an match hmasa berah in 64 khua Sekhum nen hun pangngaiah 1-1 in an inhnehtawk a, a suttu zawk niin penalty shootout hmangin an vannei. AVL-ah hian Mizoram keeper hlui Lalawmpuia leh defender Lalrinzuala te awm mah se a bak zawng 'player thar' an ni - Lenchim hian an hlau lo ang.