Vawiin aṭangin India Vs England

India leh England chuan vawiin tlai dar 3:30 aṭangin Test match an khelh hmabak vawi ngana chu Edgbaston, Birmingham-ah an khel dawn.

Nikum khan England hian India an mikhual a, ruahman dan chuan August leh September thla chhungin Test match vawi nga khel tur an ni. Match hmasa berah an inhnehtawk nghal a, match hnihnaah India an chak. England hian match hnihnaah hnehna chang mah se match thumnaah Men in Blue bawk an chak.

Covid-19 vangin match ngana khelh theih a ni lo a, Indian Premier League vang tia sawi pawh an awm. Tun ṭumah hian Test match hnuhnung ber hi khelh a ni dawn a, India hi an tlawm lo a nih chuan series an la ang.

Captain Rohit Sharma chu Covid-19 vangin a dinhmun a chiang lo a, amaherawhchu Rohit tel lo pawh hian India hi an ṭha tawk. Chutihrualin Three Lions hian Test match an khelh hnuhnung berah New Zealand 3-0 in an hneh a, inringtawkna an ngah khawp ang.

India’s Test squad: Rohit Sharma (Captain), KL Rahul (vice-captain) Shubman Gill, Virat Kohli, Shreyas Iyer, Hanuma Vihari, Cheteshwar Pujara, Rishabh Pant (wk), KS Bharat (wk), Ravindra Jadeja, Ravichandran Ashwin, Shardul Thakur, Mohd Shami, Jasprit Bumrah, Mohd Siraj, Umesh Yadav, Prasidh Krishna

England Playing XI: Alex Lees, Zak Crawley, Ollie Pope, Joe Root Jonny Bairstow, Ben Stokes (C), Sam Billings, Matthew Potts, Stuart Broad, Jack Leach, James Anderson.