Quarterfinal-ah Sindhu leh Prannoy an lut

Olympic medal vawi hnih la tawh PV Sindhu chuan Malaysia Open khelh laiah quarterfinal a lut. Sindhu ang bawka Indian player dang H.S. Prannoy pawh a thiam zual pariat zingah a inhlangkai tel ve bawk.

Nimin inkhelah world number 7 Sindhu hian Phittayaporn Chaiwan chu 19-21, 21-9, 21-14 in a hneh, hnehna chang tur hian minute 57 lai a mamawh, awlsam taka chak mai erawh a ni bik lo.

Quarterfinal-ah chuan Sindhu-i'n Tai Tzu Ying a hmachhawn leh dawn. Chinese Taipei nula Tzu Ying hi player ṭha a ni a, world number 1 hial pawh ni tawh a nih avangin fimkhur taka a khelh a ngai ang.

Mipa singles lamah, world number 21 Prannoy chuan seeded palina Chou Tien Chen chu 21-15, 21-7 in a hneh. India tlangval hian a match lehpekah chuan Jontan Christie a hmachhawn leh dawn a ni.