Spurs zawm tur Richarlison

Tottenham chuan Richarlison an la dawn tih a chiang ta. Brazil international Richarlison hian Spurs nen inremna an nei tawh, pound maktaduai 50 chuang man a ni dawn, a man zat hi chiang taka sawi fak theih erawh a la ni lo.

Kum 25 mi Richarlison hian 2018 khan Watford aṭangin Everton hi a zawm. Merseyside club tan hian inelna hrang hrangah match 152 khelin goal 53 a khung a, season hmasa khan Premier League aṭanga an tla tur chu a chhanhim hram.

Season hmasa khan Olympic bakah Copa America a khel a, ram tan a feh chhuak hnem hle. Premier League goal 10 a khung, a goal zinga paruk hi Everton match hnuhnung pakua aṭanga a khung a nih avangin a pawimawh hle.

Champions League khel tur Antonio Conte-a'n a squad a thuam chhah mek zel. Harry Kane leh Son Heung-min a neihsa bakah winger Ivan Perisic a la tawh a, tunah Richarlison a lak leh dawn tak avangin hmatawng a nei ṭha dawn.