Olympiakos an champion?

Greek club hlawhtling ber Olympiakos chuan Pathianni zan khan Chel­sea winger hlui Marko Marin, Manuel Da Costa, Alberto de la Bella goal hnih leh Alejandro Do­minguez penalty hmangin Giannina chu 5-0 in an sawp a, a vawi 44 nan Greek champion an ni - champion lo thut thei dinhmunah an ding thung!

Olympiakos hi Greek Cup semifinal first leg-a AEK Athens an hneh loh ṭumin fan-ten buaina an siam a, vawiinah an thubuai hi ngaihtuah tur niin thiam loh an chan chuan league lama an point ruk chu paihsak tur an ni.

Piraeus khawpui club hian match khat chiah khelh tur awm tawhah point rukin hma an hruai fal. Chumi awmzia chu hremna pek an nih a, an hnuai chiaha awm PAOK-in hnehna an chan a, anni an tlawm bawk chuan kum 1985-a an champion hnuhnung ber tawngtu PAOK hi an champion daih dawn tihna a ni.