Khuangpuilam an champion

Kolasib DFA hnuaia Second Division Season Ending Football Tournament 2017-ah Khuangpuilam GSA an champion.

Nimina RSTC, Saidan-a final khelhah Khuangpuilam GSA leh Venglai FC ten hun pang­ngaiah goal an khung thei lo a, penalty shootout-ah Khuangpuilam hi 3-2 in an chak. Finalist team pahnih hi season thara first division khel turin an tling nghal bawk.

Inelnaah hian team 13 an tel a, Venglai FC forward Benjamin Lalpekhlua chu best player-a thlan niin Project FC Jr. tana goal li khungtu Isak Vanlalrova chu top scorer a ni.

Mimal Lawmman
Best Player Benjamin Lalpekhlua, Venglai FC
Top Scorer Isak Vanlalrova, Project FC Jr. (Goal - 4)
Best Goalkeeper Lalrinsanga, Khuangpuilam GSA
Best Defender Lalchhanchhuaha, Venglai FC
Best Midfielder Zodina, Khuangpuilam GSA