Armed Veng inlan hun

Veng leh veng, khua leh khua football hmanga inel a nih tawh chuan Armed Veng an ropui ṭhin. Vawiin chawhnu dar 1:00 hian MZU Ground-ah Keifang Jt. VC nen an inhmachhawn dawn, inkhel hmuhnawm a beisei ngam ang.

Armed Veng hian hliam vangin Lalramchullova an chhawr thei dawn lo, Chullova hmun ruak hnawh khah a harsa mai thei. Khatla East laka goal ruk khung thei Keifang dang turin an insiamrem a ngai ve viau ang.

Churihrualin I League champion Gokulam player Zodingliana Tochhawng leh Indian Arrows lama awm Lalchhanhima-te midfield-ah an inkawp tir thei dawn a, tlarhmaah Mizoram forward ṭha Lalfakzuala an nei bawk, anni lo dang tur chuan Keifang tan thapui thawh a ngai dawn.

Coach tawnhriat ngah Lalbiaksanga kaihhruai Armed Veng hian veteran F Lalmuanpuia pawh an la nei cheu.

Keifang hian mimala langsar tak an nei hran lo, mahse team thawhhona ṭha tak hmangin Khatla East an sawp thei. Khelmual an nei ṭha a,Mizoram huap inelnaah pawh thlen san chang an nei tawh.