Pangzawl tan Pafa

LBS Suzuki Inter Village Football Tour-nament-in chanchin ngaihnawm a chhawp chhuak hnem malh malh hle. Rawlthar ṭha tak tak an inlar a, senior player an la nep lohzia kan hmu zel bawk - vawiinah pawh pa leh a fapa inkhel rual hmuh tur a awm dawn.

Pangzawl Jt VC chuan Lengpui SMC-ah chawhnu dar 1:00 hian Chhinga Veng an hmachhawn dawn. Pangzawl tan hian kum 40 mi Lalbiakchhuana leh a fapa kum 18 mi Lalnunthara te an inlan dawn, tualchhung football tihlutute an ni leh ang.

Nimin khan Sakawr-dai tan Lalfelpuia leh a fapa Israel Laltlanhlua te chu an lo khel dun tawh bawk; khawvel hmun danga football inelna thlir pawhin team pakhat tana pafa khel dun hi chu an tam vakin a rinawm loh hle a ni.