Jerry Mawia hoin Chanmari

Rochhingpuia enkawl Chanmari an inlan dawn, tukin dar 8:00 hian Lammualah Melthum nen an inhmachhawn ang. Chanmari hi an thawm a ring vak rih lo a ni mai thei - Jerry Mawihmingthanga awmna an nih avangin khelmual chhungah chuan an thawm a ring ang.

Mizoram Premier League team ṭha nei veng an ni a, kuminah hian an senior player ṭhenkhat an la chhawr thei dawn a, heng bakah hian kum naupang zawk tan hun siamsak an tum thu club hruaitu hlun tak pakhat chuan Vanglaini a hrilh.

Melthum tan Indian Super League club Odisha winger Jerry-a hi ven ngun ngai bik a ni dawn. MPL bul ṭan laia 'naupang kawlhrawng' tia hriat lar ṭhin hi club tan ai mahin veng tan a khel ṭha ṭhin em ni chu aw, tih mai tur a ni a, en bik hlawh a ni ang.