Spurs-ah Richarlison a kal ta

Tottenham Hotspur chuan Brazil forward Richarlison an la fel ta. Everton hmatawng manah hian pound makatduai 60 an thehchhuah a ngai a, kum nga daih contract an ziahpui.

Kum 25 mi Richarlison hian 2018 khan Watford aṭangin Everton hi a zawm, inelna hrang hrangah match 135 a khelh aṭangin goal 43 a khungsak. Season hmasa bik khan goal 10 a khung a, division hniam lama an team tla mai tur chu a chhanhim hram.

Antonio Conte-a'n squad a thuam chhah mek zel. England goalkeeper Fraser Forster leh Croatian winger Ivan Perisic te bakah Brighton midfielder Yves Bissouma te a la fel tawh a, an team tichak thei tur a la melh mek bawk.