Mizoram Super League-ah A sang pali a hriat

Mizoram Super League (MSL) season kal laiah, a tawpa nomawi inchuh tur team pali a chiang ta. Zarkawt BCA, Khatla TBL, Mission Veng Hotshots leh Tuikual South ten 'Play In' an khel dawn.

Chanmari Vikings-in chak ngei ngei ngaihna inkhelah Hotshots an ngam lo. Vikings hian khelh hmabak pakhat an la nei, an match hnuhnung berah chak pawh ni se Tuikual nen an intawn tawhna en a ngai dawn a, an inkhelh tawhnaah record an nei ṭha lo zawk.

A vawi khat nana MSL kheltu Hotshots hian beisei phak bakin season an hmang ṭha. State pawn aṭanga an chah luh Joshua Aaron Keyes chauh hi an innghahna a ni lo, tualchhung player pawh an hmuhnawm thei hle.