Hmeichhe Football Under-17 final

Hero Junior Under-17 Women National Football Champion 2022-23 final-ah vawiin hian Bihar leh Dadra & Nagar Haveli te an intawng dawn a, tlai dar 3:00-ah Indian football youtube channel-ah a en theih ang.

Indira Gandhi Athletic Stadium, Guwahati-ah final hi khelh a ni dawn a, Indian football hmeichhe tleirawlten tun hnaiah hma an sawn avangin inkhel hi en tlak viau tura ngaih a ni.

Bihar hian final lut turin Haryana chu 3-1 in an hneh a, Dadra & Nagar Haveli chuan final khel tur hian Arunachal Pradesh chu 5-0 in an sawp thung - Dadra & Nagar Haveli tan tleirawl duhawm Pooja chuan hattrick a siam.

Football thiam tia hriat hlawh ngai lo Bihar leh Dadra and Nagar Haveli ten rin loh takin final an khel dawn a, mipui ngaihven an hlawh phah hle.