Champhai team ṭha inlan dawn

Lengpuiah Champhai team ṭha an inlan dawn. Vawiin tlai dar 1:00-ah Champhai champion Melbuk leh Chiahpuite an inkhel ang. Melbuk hi Mizo coach ṭha Lalsangzuala Hmar-in a enkawl a, match hmasa berah Lamzawl 2-1 in an hneh.

Melbuk hi Upa C. Keikhuma Memorial Inter Village-ah an hmuhnawm avangin tun ṭum inelnaah pawh hian ngaihven an hlawh hle. Chawhma dar 11:00-ah Champhai Kanan leh Serchhip Jt VC an inkhel dawn.

Champhai Kanan hian an match hmasa berah 10-2 in Thenzawl East an sawp a, mahse an khingpui tur hi Serchhip Jt VC an ni. Serchhip-ah hian Vanlalbiaa Chhangte bakah Lalrinzuala leh Eric Remruatpuia Chhangte te an awm a, champion rinkai an ni phak.