Terina'n goal a khung rang

Inrinni khan a vawi khat nan Chanmari an inlan a, Melthum 5-1 in an sawp. Lammuala inkhelah hian Chanmari tan East Bengal midfielder Lalrinliana Hnamte-a'n second 31-na lekah a khung a, tun inelnaa goal khung rang ber a ni.

Rochhingpuia enkawl Chanmari hian inkhel an thunun a, Terina hian a tira a khung bak goal khat dang khung belh lehin Zomuanpuia, Rosangliana leh Zakaria Lalhriatpuia ten goal khat ṭheuh an khung.

Melthum tan minute 85-naah Paul Lalpekhlua'n a pet goal a, inkhel result ti danglam tawh lo mah se a pet goal mawi em avangin he goal hian sawi a hlawh rei hle ang.