Inter-ah Mkhitaryan a kal

Inter Milan chuan midfielder Henrikh Mkhitaryan an lalut. Mkhitaryan hian AS Roma tana a contract a hmang zo a, an pawhsei loh avangin man nei loin a duhzawng club a zawm thei a ni.

Tun hmain Armenian player zingah Inter tana khel an la awm ngai lo, kum 33 mi Mkhitaryan hi a hmasa ber a ni ang. Arsenal, Borussia Dortmund, Manchester United leh Shakhtar Donetsk tana khel tawh hian San Siro-ah chona thar a hmachhawn dawn.

Inter hian tun nipui bazar chhungin Cameroon goalkeeper Andre Onana, Belgium striker Romelu Lukaku leh midfielder Kristjan Asllani te an lalut tawh a, free agent ni lai Paulo Dybala an la beisei mek bawk.

Season hmasa khan Serie A nomawi an kawl lai chu AC Milan lakah an chân a, kuminah chuan an hmelma leh elpui club lak aṭangin title laklet ngei an tum ang.