MSL league round an khel zo

Mizoram Super League season 7 chu Inrinni zan khan league round khelh zawh a ni. Champion lai Zarkawt BCA chuan table chung ber an luah a, an hnuaiah hian Khatla TBL, Mission Veng Hotshots leh Tuikual South te an awm.

A sang pali hian 'Play In' an khel dawn, a hniam pahnih Chanmari Vikings leh Chawnpui tan erawh beisei tur a awm ta lo.

A hniam ber Chawnpui chu MSL aṭangin an tla nghal, season tharah division hniam zawk an khelh a ngai ang.

Play In-ah hian Zarkawt BCA leh Khatla TBL an inhmachhawn dawn tihna a ni a, tualchhung club ṭha leh sulhnu nei ṭha pahnih inkhel hi a hmuhnawm dawn. Team thar MVS Hotshots pawh Tuikual South tan fimkhur taka hmachhawn a ngai dawn.

Play In kalphung:
1vs2
Number 1 an chak chuan final a lut nghal ang.
Number 2 an chak chuan game khat an khel leh ang a, a chak zawk zawkin final an lut ang.
Final lut turin number 1 hian vawi khat chiah chak an mamawh a. Number 2 erawh chuan vawi hnih chak an mamawh thung.
3vs4:
Number 3 a chak nghal chuan number 1 vs 2 a chak lo zawk nen an in tum ang.
Number 4 a chak chuan number 3 nen game khat an khel leh ang a, a chak zawkin number 1 & 2 a chak lo zawk an tum ang.
Number 1vs2 chak lo zawk semifinal-a tum turin number 3 hian vawi khat chiah chak an mamawh a, number 4 erawh chuan vawi hnih chak an mamawh thung.
No. 1&2 a chak lo vs No. 3 & 4 a chak
Number 1&2 a chak lo zawk game khatnaa an chak chuan final an lut nghal ang.
Number 3&4 a chak zawk an chak erawh chuan game khat an khel leh ang a, chuta chak chuan final an khel ang.
Loser 1or2 vs winner 3&4
Loser 1or2 hian final lut turin vawi khat chiah chak an mamawh a, winner 3or4 hian vawi hnih an mamawh thung a ni.